Dragi moji!
Ovo baš i nije v redu. Sve ima svoj vek trajanja, i vozačka dozvola, i prometna dozvola, i lična korta, građevinska dozvola, i potvrda da nemaš koronu… Samo venčani list nema.
-Zamisli kak bi to bilo lepo da ti venčani list traje kak prometna dozvola ili lečnička svedođba. Kad ti istekne, zemeš novoga partnera i dobiš novi venčani list s rokom trajanja od pet let. I tak celi život. To se išče nišči ne zmisliv – velim onomu mojemu zakonitomu.
-Viš stvarno. Ti bi več bila v devetom braku, a ja bi biv srečen čovek – tresne on i dale nastavi gledati turske serije. A jo sam tresnula z vratima i odišla f Čakovec. To noć je opav sneg pa je bilo nekak zima pre vuri sedeti. Več sam štela brnuti v nekši štacun kad nešči zakrči:
-Hej Mica, čekaj, ideš z menom?
-O sosed Vida, kaj pa vi?
-Ma ova moja doma rekla mi je ka nabom zabadaf hodiv po Čakofco, nek joj kupim grudjaka. Hodi mi pomori zbrati, a posle ti kovu kupim.
-No, hodi.
I dojdemo mi nutri, Vida veli kaj treba, a trgofka zapita:
-Kak su velike? – i pokaže na sebi. -Kak lobenice?
-Ne, menše – veli Vida.
-Kak jabuke?
-A kaj bi. Menše.
-Kak jejci? – pita trgofka.
-Je, kak jejci. Na oko! – bubne Vida i kupi grudjaka.
Onda me prime pod roko i lepo me odpela prek parka voti novi hotel f Čakovcu. Čekaj, aha, Castellum. Fina kova, fini ljudi, fini običaji. Stojimo mi tak sa strone kaj nam nebo čvapkalo po glovi, jer se sneg počev topiti, kad Vida iznenada veli:
-Pogledni tam prek stakla? Vidiš što nutri sedi?
-Ne poznam nikoga!
-Pa ono ti je vekši kritičar od mene. Kočilek, Kočila, goričonec f Čakovcu. Veterinor.
-No, dobro i kaj je žnjim?
-Vidiš, on nutri s pajdoši pije kaj oče, sediju vu foteljama, toplo im je, samo su f košuljaj, bez maski…A mi sirotinja poštivlemo se kaj nam se naredi, pa smo vuni.
-No, dobro, jenu kovo bomo zdržali…
Ali evo ti prslovske Side. I odmah zapita kaj se Vida srdi. A, reko, tu je nekšni Kočilek, nutri pije, a mi vuni.
-A pusti ga. Jega ti već tak nišči ne jemle za ozbiljno.
-Koga? Vidija?- pitam.
-Ne. Kočileka.
-Zakaj? – pitam ja. -Pa čovke čistam lepo zgledi.
-Ma je, zgledi. On je ve tobože nezavisni i sve okoli sebe napoda, da obračaju kapute, da su bili v drugaj strankaj i strankinjaj, a on poštejok.
-Pa ima čovek praf, ak je istina – velim ja.
-Je, Mica, vidi se da nikaj ne znaš. On ti je negda biv Esdepejovac, ve je kakti nezavisni, a čujem da bu ve tretji na Hadezejovoj listi za grod Čakovec. I što onda obroča kapute? Pitam jo vas.
Što zno kak bi se dugo mi spominali o Kočileku i njegovaj pajdošaj, šteri so se i naslikovali nutri, da ne došla nedelska Treza. I odmah z vroti se počne žaliti.
-Veli mi fčera doma on moj zakoniti da mu je od četeroje dece, koliko imamo, Jožek malo sumliv. Kak da neje njegof.
-I kaj si mu odgovorila? – odma zapita Vida.
-Rekla sam mu: Ako očeš znati, Jožek je baš tvoj!
-Nego čujte, veli Treza, pelam se ve zbeciklinom od Nedelišća i na rotoru, na onim malim betonima, piše “Posavec? Remetinec”. A moje je prezime Posavec, pa si ve mislim kaj ja imam s tem? Pa v Nedelišću je se puno Posavci.
-Pak i prinas f Prslofci, a još več f Ivanofco, a koliko ga jif tek tu f Čakofcu – veli prsloska Sida, štera je stiha zaklenula beciklina i došla k nam v društvo.
-Eh, žene, najte govoriti gluposti. Su svi mislili da je to za našega župana Posavca, a ve sam čuv da to protivniki plošiju Jožu Posavca, koji se, navodno, prijaviv f Čakovcu i štev bi se kandidirati za gradonačelnika.
-E, ja vam to nikaj ne verjem. Čula sam jedino da je takših natpisi na več mesta i da policija već išče huligana koji je to napraviv, zbog unuštavanja društvene imovine. Navodno su mu jako blizu – velim ja i si se obrnemo prema parku, de je nekaj fest brnelo. Imamo i kaj videti. To je poturenski Lovra parkerav svoju storu žabu citroena.
-Kak ide, Lovrek?- zapitam sva vesela.
-Što, citroen?
-Ma ne. Inače, kak ide?
-Pa tak, jemput-dvaput mesečno!
-O, ti hrmok stori. Ne pitam te to, nego kak je doma?
-A doma? Tam niti jemput!
Tuliko za denes. Lepo vas pozdravlam.
Vaša Mica